प्रशासक | २०८१ चैत्र १९ गते १६:५५ मा प्रकाशित

अक्षर साथी
लम्की/ चैत्र २०
  कैलालीको लम्कीचुहा नगरपालिकाले ६८ औँ राष्ट्रिय सहकारी दिवस मनाएको छ । बुधवार नगरपालिकाले ६८ औं राष्ट्रिय सहकारी दिवसको अवसरमा किसान सहकारीबाट प्रभात फेरी ¥याली सहित लम्की चौराहामा रक्तदान कार्यक्रमको आयोजना गर्दै सो दिवस मनाएको हो । 
  ‘मर्यादित सहकारी ः समुन्नत समाज’ नारा रहेको ६८ औँ सहकारी दिवसको प्रभात फेरी ¥यालीमा ‘आजको बचत भोलिको भविष्य’, ‘सहकारीबाट आत्मनिर्भर बन्दै उज्ज्वल भविष्यतर्फ अघि बढौं’, जात धर्म आफ्नै छ ठाउँमा, हामी जुट्छौँ सहकारी नाउँमा’ जस्ता नारा लेखिएको प्लेट कार्ड सहित लम्कीचुहा नगरपालिकाका विभिन्न सहकारी संस्थाको सहभागिता रहेको थियो । 
 प्रभात फेरी ¥याली किसान सहकारीबाट पूर्वतर्फ लम्की बसपार्क हुँदै लम्की चौराहामा पुगेर रक्तदान कार्यक्रममा परिणत भएको थियो । 
  रक्तदान कार्यक्रमको उद्‌घाटन समारोहमा बोल्दै किसान बहुउद्देश्यीय सहकारी संस्था लि। का अध्यक्ष सुरेन्द्र कुमार शाहले अहिले सहकारीमा आइरहेको समस्याको कारण भनेको संघीय सरकार रहेको बताए ।
  ‘सहकारीको अहिलेको अवस्था भनेको बचतकर्ताले आफूले बचत गरेको बचत फिर्ता नपाउनेसम्मको स्थिती छ । सहकारीहरू समस्याग्रस्त छन्,’ अध्यक्ष शाहले भने, ‘यो समस्याको कारण भनेको संघीय सरकार हो । नियमन र अनुगन गर्ने निकायले समयमै अनुगन र नियमन न गरेका कारण आज यो स्थिती सिर्जना भएको हो । 
त्यस्तै लम्कीचुहा नगरपालिकाकी प्रमुख प्रशासकीय अधिकृत सुषमा महत के।सी।ले सहकारीमा व्याप्त बेथितिको तीनै तहका सरकार र सरोकारवालाबीचमा छलफलका माध्यमबाट समाधान गरिने बताउँदै सहकारीलाई तालीमको व्यवस्था गरिने बताइन् 
‘देशभरीमा ३० हजारको सङ्ख्यामा सहकारी छन् । पछिल्लो समयमा सहकारीमा समस्या आएका छन् । सहकारीमा व्याप्त वेथितीको समाधान तीनै तहका सरकार र सरोकारवालाबीच छलफलको माध्यमबाट गरिने छ,’ प्रमुख प्रशासकीय अधिकृत सुषमा महत के।सी।ले भनिन्, ‘सहकारीलाई तालीमको आवश्यकता रहेको कुरा यहाँहरूले औँल्याउनु भएको छ । म यो विषयमा के जानकारी दिन चाहन्छु भने, बैशाखदेखि सूचना प्रणालीको व्यवस्था गर्दै तपाईँहरूसँग छलफल गर्दै मागको आधारमा तालीमको व्यवस्थापन तथा कार्यक्रमहरू सञ्चालन गरिने छ ।’
रक्तदान कार्यक्रमकी प्रमुख अतिथि तथा लम्कीचुहा नगर प्रमुख सुशीला शाहीले आर्थिक लेनदेनको विषयमा इमानदार बन्नु पर्ने बताइन् । ‘हामीले आर्थिक लेनदेनका विषयमा इमानदार बन्नुपर्छ,’ नगर प्रमुख सुशीला शाहीले भनिन्, ‘आर्थिक हिसाबमा इमानदार भएको अवस्था अन्य कुरामा सकारात्मक दृष्टिकोणबाट हेर्छन् ।