प्रशासक | २०८२ कार्तिक २१ गते १०:१३ मा प्रकाशित

अक्षर साथी
लम्की, कार्तिक २०
  मृत्युको पखाईमा रहेका लम्कीचुहा–६, बामनपुरका विक्रम कामीको ‘अन्तिम इच्छा’ पूरा गर्न सुरु गरिएको घर निर्माण कार्य इटाको अभावले रोकिएको छ ।
  दुईवटै मृगौला फेल भई उपचाररत विक्रमले जीवनको अन्तिम समयमा आफ्नी दुई छोरीका लागि एउटा सुरक्षित छानो होस् भन्ने चाहना व्यक्त गरेका थिए । उक्त इच्छा पूरा गर्न स्थानीय युवाहरू, समाजसेवी तथा विभिन्न संघसंस्थाहरूले घर निर्माण अभियान सुरु गरेका हुन् । तर, अहिले इटाको पर्याप्त आपूर्ति नहुँदा निर्माण कार्यबीचैमा रोकिएको छ ।
  घर निर्माणमा खटिएका प्राविधिकका अनुसार विक्रमको लागि निर्माण भइरहेको तीन कोठे सानो घरका लागि करिब ९ हजार इटा आवश्यक पर्ने अनुमान गरिएको थियो । तर हालसम्म १ हजार इटा मात्र सहयोगस्वरूप प्राप्त भएको छ ।
  ‘हामीले घर निर्माणका भित्ताको काम अघि बढाउन चाहिरहेका छौं, तर इटा अभावले अहिले रोकिएको छ,’ घर निर्माणमा संलग्न स्थानीय समाजसेवी ढक बहादुर बि.क.ले बताए । उनका अनुसार आवश्यक इटा नपाएसम्म निर्माण कार्�.....