प्रशासक | २०८२ कार्तिक ३ गते १०:११ मा प्रकाशित

इजरायलमा मारिएका कञ्चनपुरका विपिन जोशीको शव सोमबार काठमाडौं ल्याइँदै छ ।

उनको शव फ्लाई दुबईको विमानमार्फत् त्रिभुवन अन्तर्राष्ट्रिय विमानस्थलमा दिउँसो अवतरण गर्ने तालिका रहेको छ  । इजरायल र हमासबीच युद्धविरामपछि बन्दी साटासाट क्रममा हमासले विपिनको शव इजरायली सेनालाई हस्तान्तरण गरेको थियो।

परराष्ट्र मन्त्रालय स्रोतका अनुसार उनको शव फ्लाई दुबईको विमानमार्फत् काठमाडौं ल्याउन लागिएको हो । सो विमान दिउँसो काठमाडौंस्थित त्रिभुवन अन्तर्राष्ट्रिय विमानस्थलमा अवतरण गर्ने तालिका छ ।

अध्ययनको सिलसिलामा इजरायल पुगेका कञ्चनपुरका विपिन जोशी गत २०२३ अक्टुबर ७ मा हमासले किबुत्ज क्षेत्रमा गरेको आक्रमणको क्रममा बन्धक बनाइएका थिए । त्यसपछि उनको अवस्था अज्ञात रहेकोमा गत असोज २७ गते इजरायली अधिकारीहरुले उनको मृत्यु पुष्टि गरेका थिए ।
 

एजेन्सी | २०७५ चैत्र २६ गते १४:२३ मा प्रकाशित

त्रिपोली — लिबियाको राजधानी त्रिपोलीमा भएको सरकारी सेना र विद्रोहीबीचको भिडन्तमा कम्तीमा ३२ जनाको ज्यान गएको छ । त्रिपोली कब्जा गर्न हिँडेका खलिफा हफ्तार नेतृत्वको लिबियन नेसनल आर्मी र सरकारी सेनाबीच देशको दक्षिणी भेगका ३ स्थानमा भिडन्त भइरहेको छ । भिडन्तमा ५० भन्दा बढी घाइते छन् । 

लिबियाका विद्रोही समूहसँगको सम्भावित भिडन्तका लागि तयारी गर्दै सरकार समथित लडाकु । तस्बिर : राेयटर्स

हफ्तार पक्षले त्रिपोलीस्थित अन्तर्राष्ट्रिय विमानस्थल कब्जामा लिएको दाबी गरेको छ । अधिकारीका अनुसार सोमबार युद्धक विमानले आक्रमण गरेपछि विमानस्थल बन्द गरिएको छ । आक्रमणको कुनै पनि पक्षले जिम्मेवारी लिएको छैन् ।
Citizen

राष्ट्रसंघको समर्थन रहेको सरकारका प्रधानमन्त्री फाएज अल–सर्राजले जर्नेलहफ्तारले ‘कु’ प्रयास गरेको आरोप लगाए । सर्राजले आफ्नो सरकार ‘शान्तिका लागि अग्रसर भइरहेका बेला षड्यन्त्र’ भएको जनाए । उनले जर्नेल हफ्तारविरुद्ध कडा प्रतिरोध गरिने चेतावनी दिए ।

आइतबार पनि त्रिपोली नजिकै सरकारी सेना र �.....

एजेन्सी | २०७५ फाल्गुन १८ गते १०:४९ मा प्रकाशित

यूएई । सरकारले राष्ट्रिय शोक घोषणा गरेपछि नेपाली दूतावास अबुधावीको कार्यालय बिहीबार बन्द हुने भएको छ ।

ताप्लेजुङमा बुधबार भएको हेलिकोप्टर दुर्घटनामा संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित ७ जनाको निधन भएपछि सरकारले बिहीबार राष्ट्रिय शोक मनाउने निर्णय गरेको हो । सोही अनुसार दूतावासले सूचना जारी गरी मन्त्रिपरिषदको निर्णय बमोजिम बिहीबार राष्ट्रिय शोक घोषणा भएकाले दूतावास बन्द रहने जानकारी दिएको हो ।

बुधबार साँझ बसेको बैठकले देशभर र विदेशस्थित नेपाली दूतावास तथा नियोगहरुमा बिहीबार सार्वजनिक विदा दिइने र आधा झण्डा झुकाउने निर्णय गरेको थियो । सोही अनुसार दूतावास बन्द रहने र कार्यालयमा रहेको राष्ट्रिय झण्डा आधा झुकाइने कार्यबहाक राजदूत सागरप्रसाद फुयाँलले जानकारी दिए ।

शुक्रबार र शनिवार यहाँको स्थानीय विदा हुने भएकाले दूतावास कार्यालयको नियमित सेवा भने आइतबारबाट सञ्चालन हुने छ ।