अक्षर साथी | २०८२ बैसाख ९ गते ०८:४५ मा प्रकाशित

अक्षर साथी 
लम्की/बैशाख ९
  कैलालीको लम्कीचुहामा राष्ट्रिय परिचय पत्र वितरण भइरहेको छ । नागरिकहरूको वैयक्तिक तथा जैविक विवरण समाबेस भएको विद्युतीय चिप्स र सुरक्षण सहितको स्मार्ट कार्ड, राष्ट्रिय परिचय पत्र अहिले वडा नं. २ मा वितरण भइरेहको छ । वडाको क्रमानुसार वितरण भइरहेको राष्ट्रिय परिचय पत्र वडा नं. २ का ३१ सय ८० वितरण भएपछि वडा नं. ३ मा वितरण हुने प्रविष्टकर्ता जगत थापाले जानकारी दिए ।
  दैनिक २ सय ५० का दरले वितरण भइरहेको राष्ट्रिय परिचय पत्र लिनको लागि वडा कार्यालयमा राष्ट्रिय परिचय पत्रको आवेदन फारम, सक्कल नागरिकता र व्यक्ती स्वयंम उपस्थित हुनुपर्ने थापाले बताए । 
कुन वडामा कति वितरण गर्नुपर्ने छन् ? 
  लम्कीचुहामा ३३ हजारले राष्ट्रिय परिचय पत्रको लागि आवेदन फारम भरेका थिए, जसमा हाल छापिएर ३२ हजार ६ सय ७५ राष्ट्रिय परिचय पत्र आएका छन् । वडा नं. ५ हजार ९८१, वडा नं. २ मा ३ हजार १८०, वडा नं. ३ मा २ हजार २८, वडा नं. ४ मा ४ हजार ५५०, वडा नं. ५ मा २ हजार २ सय ४३, वडा नं. ६ मा ३ हजार ३ सय, वडा नं. ८ मा ३ हजार २२२, वडा नं. ९ मा २ हजार ४ सय १९ र वडा नं. १० मा २ हजार ३४५ मा कार्ड वितरण गर्नुपर्ने छ । दैनिक २ सय ५० का दरले कार्ड वितरण भइरहेका छन् ।  
के हो राष्ट्रिय परिचय पत्र, यसमा के के हुन्छ ? 
 राष्ट्रिय परिचयपत्र भनेको नागरिकहरूको वैयक्तिक  तथा जैविक विवरण समाबेस भएको विद्युतीय चिप्स र सुरक्षण सहितको स्मार्ट कार्ड प्रविधिमा आधारित राष्ट्रिय पहिचानको बहुउपयोगी प्रमाणपत्र हो । परिचयपत्र लागु भएपछि नेपाल राज्यबाट प्रदान गरिने कुनैपनि सेवा सुविधा प्राप्त गर्न वा त्यस्तो सेवा सुविधाको माग गर्दा परिचयपत्र पेश गर्नुपर्छ । साथै यसलाई सार्वजनिक सेवा प्राप्तिको मुख्य आधार तथा व्यक्तिको पहिचानको प्रमाणको रुपमा मान्यता दिइने भएकोले राष्ट्रिय परिचयपत्र कार्ड आवश्यक छ । 
यसमा वैयक्तिक विवरणहरू जस्तैः नाम, थर, जन्म मिति, लिङ्ग, आमाबुबाको नाम, ठेगाना स्थायी र अस्थायी, नागरिकता नंम्बर, नागरिकताको किसिम, पति/पत्त्री नाम, बाजे, बज्यैको नाम, राष्ट्रियता, परिचयपत्र नम्बर र जैविक विवरणतर्फ : औंला छाप (१० वटा औंला), आँखाको क्ष्चष्क, फोटो, विद्युतीय हस्ताक्षर समावेश गरिएको हुन्छ ।