प्रशासक | २०८२ पौस १७ गते ०८:२४ मा प्रकाशित

अक्षर साथी 
लम्की, पुस १७
  कैलाली क्षेत्र नं. २ को सर्वाङ्गीण विकासका लागि अहोरात्र खटिँदै आएका व्यक्ति हुन् सुर्यबहादुर थापा । यो केवल भनाइ मात्र होइन, चिसापानी सडकखण्डमा आफ्नै खर्चमा पुल निर्माणदेखि बाटो मर्मत, लम्कीमा औद्योगिक क्षेत्र स्थापनाको पहल, र हाल निर्माणाधीन करिब ५ अर्ब रुपैयाँ लागतको जालपादेवी केवलकार परियोजना उनका कामका ठोस प्रमाण हुन् ।

ADVERTISE............................................................................................................................................................................
उद्योगहरूको समूह ‘डल्फिन ग्रुप’ स्थापना गरी सयौंलाई रोजगारी प्रदान गरेका थापा विकासका नाममा परिचित नाम हो सुर्य बहादुर थापा ।
  जीवनको कठिन मोडमा पुगेका सुर्यबहादुर थापा प्राणघातक रोगका कारण भारतको दिल्लीमा तीन महिनासम्म उपचाररत रहे । कलेजो प्रत्यारोपणपछि नयाँ जीवन पाएका थापा केही दिनअघि आफ्नै क्षेत्रमा फर्किएका छन् ।
  उनको आगमनको अवसरमा बुधबार कैलालीको चिसापानीमा आफन्त, शुभचिन्तक, राजनीतिक नेता तथा कार्यकर्ताले भव्य स्वागत गर्दै सुस्वास्थ्य, शीघ्र स्वास्थ्यलाभ र दीर्घायुको कामना व्यक्त गरेका      छन् ।
  चिसापानीस्थित सिद्धबाबा होटलको सभाहलमा आयोजित शुभचिन्तक तथा पत्रकारसँगको संक्षिप्त अन्तरक्रिया कार्यक्रममा आफ्ना भावना राख्दै थापा निकै भावुक बने । उनले बाँकी जीवन पूर्णरूपमा यस क्षेत्रको विकासका लागि समर्पण गर्ने प्रतिबद्धता व्यक्त गरे । 
 ‘तपाईहरूको माया र सद्भावका कारण आज म यहाँहरू समक्ष उभिएको छु । यसका लागि तपाईहरूलाई सबैलाई धन्यवाद,’ थापाले भन्नुभयो, ‘समाजसेवा सहित म व्यापारमा पनि सक्रिय थिए । अहिले म नयाँ जीवन पाएर यहाँ उभिएको छु, अब मेरो बाँकी जीवन यस क्षेत्रको समग्र विकासका लागि समर्पण गर्ने प्रतिवद्धता व्यक्त गर्दछु ।
  त्यसै अवसरमा थापाले युवालाई स्वदेशमै रोक्न आफू पाँच वर्षमा पाँच हजारलाई रोजगारी दिने अभियानमा जुटेको जानकारी दिए । उपचारका क्रममा आफूले सुरु गरेका विकास योजनाहरू अलपत्र पर्ने हुन् कि भन्ने चिन्ताले सताउने गरेको बताउँदै अब ती सबै योजनाहरू पूरा गर्ने पनि दृढ अठोट व्यक्त गरे ।
वि.सं. २०२४ सालमा दैलेखको सातला जन्मिएका सुर्यबहादुर थापा हाल कैलालीको लम्कीचुहामा स्थायी बसोबास गर्दै आएका छन् । लम्की बृहत्तर विकास मञ्चको स्थापनामार्फत यस क्षेत्रको विकास अभियानको थालनी गरेका थापाको सामाजिक व्यक्तित्वका रूपमा ठूलो छवि रहेको छ ।