प्रशासक | २०८२ पौस २४ गते १७:२१ मा प्रकाशित

अक्षर साथी
लम्की, पुस २४
  कैलालीको लम्कीचुहामा रहेको बिचभुरुवा ग्रामिण विद्युत सहकारी संस्थाको साधारण सभा आउँदो शनिबार हुँदैछ । ग्रामिण सहकारीबाट आफ्नो सेवा विस्तार गर्ने गरी बहुउद्देश्यीय सहकारी संस्था बन्ने तयारीमा रहेको बिचभुरुवा ग्रामिण विद्युत सहकारी संस्थाको १९ औँ वार्षिक साधारण सभा पुस २६ गते शनिबार हुने भएको हो ।               

ADVERTISE..................................................................................................................................................................................................
  लम्कीचुहा नगरपालिकाकी नगर प्रमुख सुशीला शाहीले उद्घाटन गर्ने साधारण सभामा पश्चिम भुरुवामा ट्रान्सफर्मर जडान, शेयर सदस्यलाई सहुलियतमा रासायनिक मल वितरण, बिना धितो ५ लाखसम्म ऋण, किसानलाई पुरस्कृत गर्ने तथा बहुउद्देश्यीय सहकारी संस्थाले उद्देश्य बनाउनका लागि आवश्यक सबै कार्यहरू गर्ने प्रस्ताव पेश हुने अध्यक्ष बुद्धिमान जैसी (बसन्त) ले जानकारी दिए ।

ADVERTISE
  ................................................................................................................................................................................................त्यस्तै अध्यक्ष बसन्त जैसीका अनुसार संस्थाले सेवा गुणस्तर सुधार र सुशासनका लागि महत्वपूर्ण कामहरू गरेको छ ।
  ‘अत्यधिक लोडका कारण समस्या आएको ट्रान्सफर्मर स्थानान्तरण गरी व्यवस्थापन गरिएको छ भने लाइन समस्या समाधानका लागि ब्रान्च छुट्याइएको छ । आय–व्यय विवरण पारदर्शी रूपमा प्रस्तुत गर्दै विद्युत महसुल संकलन करिब ९० प्रतिशतको हाराहारीमा हुने गरेको छ । समयमै महसुल भुक्तानी गरी नियमित छुट पनि संस्थाले पाइरहेको छ,’ अध्यक्ष बसन्त जैसीले भने, ‘पूर्ण अपाङ्गता भएका रातो कार्डधारी परिवारलाई २० युनिट निःशुल्क विद्युत सेवा निरन्तरता दिइएको छ भने गम्भीर रोगका बिरामी शेयर सदस्यलाई आर्थिक सहयोग गरिएको छ । त्यस्तै विनियम तथा विभिन्न कार्यविधि पुनर्लेखन गरी संस्थालाई थप पारदर्शी बनाइएको छ । साथै, सहकारीलाई बहुउद्देश्यीय स्वरूपमा रूपान्तरण गर्ने प्रक्रिया अघि बढाइएको छ ।’
  वि.सं. २०६३ चैतमा स्थापना भएको बिचभुरुवा सहकारी संस्था लि.मा हाल आएर १ हजार ४० जना शेयर सदस्य रहेका छन् । स्थानीय तथा राष्ट्रिय कलाकारको प्रस्तुति रहने साधारण सभामा उपस्थितिका लागि कार्यसमितिले अनुरोध समेत गरेको छ ।