कैलाली पोष्ट | २०७६ भाद्र २४ गते १५:२९ मा प्रकाशित

भदौ –२४
कैलालीमा मोटरसाइकल चोरेर भाग्दै गरेका ३ जना पक्राउ परेका छन् । धनगढी उपमहानगरपालिका वडा नम्बर – १ का त्रेस रसाइलीले घरको आगमनमा राखेको से ३ प ७९७२ नम्बरको मोटर साइकल चोरी भएको सूचनाका आधारमा ३ जनालाई नियन्त्रणमा लिइएको कैलाली प्रहरी प्रवक्ता दक्ष कुमार बस्नेतले बताउनु भयो । पक्राउ पर्नेमा धनगढी उपमहानगरपालिका वडा नम्बर – ९ का वर्ष २० को स्यानु भन्ने उमेश धामी, सोही वडाका वर्ष १९ का विशेष योगी र कञ्चनपुर बेलौरी नगरपालिका वडा नम्बर – २ बस्ने वर्ष २० का केशव राना रहेको बस्नेतले बताउनु भयो । प्रहरी टोली देख्ना साथ चोरी गरेको से ३ प ७९७२ नम्बरको मोटर साइकल सडक छेउमा छोडी भाग्दै गरेको अवस्थामा उनीहरूलाई पक्राउ गरी मोटर साइकल बरामद गरिएको प्रवक्ता बस्नेतले जानकारी दिनुभयो । चोरी शीर्षकमा मुद्दा दर्ता गरी कैलाली जिल्ला अदालतबाट ५ दिन म्याद थप गरी थप अनुसन्धान भइरहेको प्रहरीले जनाएको छ ।