अक्षर साथी | २०८१ फाल्गुन ३ गते १०:३७ मा प्रकाशित

अक्षर साथी
लम्की, फागुन ३ गते ।
  स्थानीय तहको कार्य प्रक्रिया कृया र उपलब्धीहरूको बारेमा लेखाजोखा गरी सबल र दुर्वल पक्षहरुको
प्हिचान गर्ने, गाउँपाधलका तथा नगरपालिकाहरुको बीचमा तलुनायोग्य सूचकहरु तर्जुम गरी
प्रतिस्पर्धात्मक सुधारमा अग्रसर गराई स्थानीय तहलाई सक्षम र प्रभावकारी बनाउने उदेश्यले संघीय मामिला मन्त्रालयले प्रत्येक वर्ष स्थानीय तहको स्थानीय तह संस्थागत क्षमता स्वमूल्याङ्कन नतिजा सार्वजनिक गर्छ । कैलाली जिल्लाका १३ पालिकाको नतिजा सूचीमा लम्कीचुहा नगरपालिका १२ औं स्थानमा रहेको छ ।  प्राकृतिक स्रोत तथा वित्त आयोगले गरेको कार्यसम्पादन मूल्यांकनमा जिल्लाका १३ पालिका मध्य धनगढी उप महानगरपलिका उत्कृष्ट भएको छ भने, लम्कीचुहाकको ११ औं स्थानमा रहेको थियो ।
  स्थानीय तह संस्थागत क्षमता स्वमूल्याङ्कनको कार्यविधि, २०७७ अनुसार शासकीय प्रबन्ध, सँगठन तथा प्रशासन, वार्षिक बजेट तथा योजना व्यवस्थापन, वित्तीय एवं आर्थिक व्यवस्थापन, सार्वजनिक सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा विपद् व्यवस्थापन र सहकार्य र समन्वयका सूचकहरू राखिएको हुन्छ । यी सूचकमा पालिकाले उपलब्ध गराएका कागजातको आधारमा मन्त्रालयले स्थानीय तह संस्थागत क्षमता स्वमूल्याङ्कन(लिजा) गर्दै नतिजाको सूचना प्रकाशन गर्छ । 
  कैलालीका १३ पालिका मध्य घोडाघोडी नगरपालिका ८३.०५ अंक प्राप्त गर्दै उत्कृष्ट बनेको थियो भने, मोहन्याल गाउँपालिका २६.२५ अंक प्राप्त गर्दै सूचीको पुछारमा थियो । सूचीमा महोन्याल भन्दा एक स्थान अघि रहेको लम्कीचुहाले ४३.७५ प्राप्त गरेको छ ।
 क्षेत्रफल, स्रोत साधन, बजेट, भौगोलिक अवस्था, जनशक्ती र बजारका हिसाबमा मोहन्याल गाउँपालिका भन्दा लम्कीचुहा धेरै अगाडि छ । राष्ट्रिय जनगणना अनुसार लम्कीचुहाको जनसंख्या ९० हजार ९७१ रहेको छ भने, मोहन्याल गाउँपालिकाको जनसंख्या २१ हजार ८२ रहेको छ ।