प्रशासक | २०८१ फाल्गुन २७ गते १२:३५ मा प्रकाशित

लम्की बहुमुखी क्याम्पसको स्वतन्त्र विद्यार्थी युनियन (स्ववियु) निर्वाचनमा मनिषा भुलको चर्चा व्यापक रूपमा फैलिएको छ । आगामी स्ववियु निर्वाचनका लागि आज मंगलबार उम्मेदवारको मनोनयन दर्ता हुँदै गर्दा अखिल नेपाल स्वतन्त्र विद्यार्थी युनियन (अनेरास्ववियु) बाट मनिषा भुलको नाम प्रमुख रूपमा अगाडि आएको छ ।
गत स्ववियु निर्वाचनमा लोकप्रिय मतसहित विजयी भएकी मनिषा भुल विद्यार्थीहरूमाझ अत्यन्त लोकप्रिय नाम हो । अनेरास्ववियुको सुदूरपश्चिम प्रदेश कमिटी सचिवालय सदस्यका रूपमा सक्रिय रहँदै आएकी उनले विद्यार्थीका मुद्दा र अधिकारका लागि निरन्तर आवाज उठाउँदै आएकी छिन्। प्रेस चौतारी कैलाली जिल्ला कमिटी सदस्यको भूमिकामा पनि उनले उल्लेखनीय काम गरेकी छिन् ।
विद्यार्थीहरूमाझ मिलनसार र सहयोगी छवि बनाएकी मनिषा आफ्नो काम र नेतृत्व क्षमताका कारण सबैको मन जित्न सफल भएकी छन्। लम्की बहुमुखी क्याम्पसमा उनको लोकप्रियता उच्च रहेको छ। “मनिषा भुलजस्तो सक्षम र अनुभवी नेतृले नेतृत्व सम्हालेमा विद्यार्थीको हकहितमा थप प्रभावकारी काम हुने विश्वास छ,“ गणेश वि.क.ले बताए ।
दलित समुदायबाट प्रतिनिधित्व गर्दै विद्यार्थी राजनीतिमा उभिएकी मनिषाले नेतृत्वमा विविधता र समावेशिताको महत्त्व दर्शाएकी छन् । उनी समाजमा रहेको भेदभाव हटाई सबैलाई समान अवसर सुनिश्चित गर्नुपर्ने पक्षमा दृढ अडान राख्छिन्। “मुलुकको समावेशी विकासका लागि नेतृत्व तहमा विविधता आवश्यक छ, मनिषाले यसलाई प्रतिनिधित्व गर्छिन्,“ एक विद्यार्थी नेताले भने ।
विद्यार्थीहरूको शैक्षिक अधिकार, पूर्वाधार विकास, र समसामयिक समस्याहरू समाधानका लागि उनी निरन्तर क्रियाशील रहेकी छिन्। उनले शैक्षिक सुधार, छात्रवृत्ति व्यवस्थापन, र अन्य विद्यार्थीमैत्री नीति कार्यान्वयनको पक्षमा आवाज उठाउँदै आएकी छन्। स्ववियु अध्यक्षका लागि उनी मात्र योग्य उम्मेदवार भएको धेरै विद्यार्थीको धारणा छ ।
मनिषाको नेतृत्वले महिलाहरूलाई पनि प्रेरणा दिने विश्वास गरिएको छ। स्थानीय तहदेखि राष्ट्रिय तहसम्म महिला नेतृत्वको अभाव रहेको अवस्थामा, उनको उम्मेदवारीले महिला सशक्तीकरणलाई थप टेवा पु¥याउनेछ। “मनिषा भुल विद्यार्थी मात्र होइन, सबैको हक र हितका लागि संघर्ष गर्ने नेत्री हुन्,“ एक विद्यार्थी नेतृले भनिन् ।
लम्की बहुमुखी क्याम्पसमा हुने स्ववियु निर्वाचनमा मनिषाको जित सुनिश्चित भएको भन्दै उनका समर्थकहरू आशावादी देखिन्छन्। उनले अघिल्लो कार्यकालमा गरेका काम र विद्यार्थीहरूसँगको बलियो सम्बन्धले उनलाई फेरि नेतृत्वमा ल्याउनुपर्ने आवाज उठिरहेको छ।

विद्यार्थीहरूका अनुसार, मनिषाले अध्यक्ष बनेमा क्याम्पसको भौतिक विकास, शैक्षिक गुणस्तर सुधार, र विद्यार्थी अधिकारको रक्षा प्राथमिकता दिनेछिन्। “हामीलाई हाम्रो पक्षमा बोल्ने र काम गर्ने नेत्री आवश्यक छ, त्यो पात्र मनिषा भुल नै हुन्,“ अर्का विद्यार्थीले थपे।
स्ववियु निर्वाचनमा दलित समुदायबाट नेतृत्व आउनु समावेशी लोकतन्त्रको उदाहरण भएको र यसले भविष्यमा अन्य पिछडिएका समुदायलाई पनि प्रेरित गर्ने विद्यार्थी नेताहरू बताउँछन्। मनिषा भुलको उम्मेदवारीले समावेशिता, नेतृत्व क्षमता, र विद्यार्थीका समस्याको समाधानका लागि नयाँ आशा बोकेको छ ।
   अबको नेतृत्व मनिषाजस्तो जनताको पक्षमा उभिने, समावेशी सोच राख्ने, र विद्यार्थीका हकहितमा स्पष्ट एजेन्डा प्रस्तुत गर्ने व्यक्तिले गर्नुपर्ने आवाज बलियो बनेको छ। लम्की बहुमुखी क्याम्पसको भविष्यमा सकारात्मक परिवर्तन ल्याउनका लागि विद्यार्थीहरूले मनिषालाई स्ववियु अध्यक्षमा देख्न चाहिरहेका छन् ।