प्रशासक | २०८१ चैत्र १२ गते १४:५९ मा प्रकाशित

अक्षर साथी
लम्की/चैत्र १३ गते 

 कैलालीको लम्की बजार क्षेत्रमा अस्वभाविक रूपमा आवाज निकाली ध्वनि प्रदुषण गर्ने मोटरसाईकल(बाइक) लाई प्रहरीले नियण्त्रणमा लिएको छ । अस्वभाविक आवाज निकाली ध्वनि प्रदुषण गर्दै शान्ति बिथोल्ने लम्कीचुहा क्षेत्रका ५ वटा बाइकलाई आज बुधबार नियण्त्रणमा लिएको इलाका प्रहरी कार्यालयका प्रमुख प्रहरी निरीक्षक लोकेन्द्र सिंहले जानकारी दिए । 
  ‘बजारबाट हामीलाई धेरै गुनासो आएको थियो । यी बाइकहरूले अस्वभाविक रूपमा आवाज निकाली ध्वनि प्रदुषण गर्ने, अत्याधिक गतिका साथ बाइक चलाउने लगायतका गुनासो हामी कहाँ पुगेको थियो ।,’ प्रहरी निरीक्षक लोकेन्द्र सिंहले भने, ‘हामीलाई गुनासो प्राप्त भएपछि हामीले अस्वभाविक आवाज निकाली ध्वनि प्रदुषण गर्ने बाईकको सूची तयार गरेका थियौं । तयार गरिएको सूचीको आधारमा ५ वटा बाइकलाई नियण्त्रणमा दिएका छौं । अझै ५ वटा बाँकी छन् ।’
त्यस्तै ट्राफिक पोष्ट लम्कीमा ट्राफिक प्रहरी सहायक निरीक्षक डम्बर पातलीले नियण्त्रणमा लिएका बाइकलाई लापरवाहीको रूपमा जरिवाना तिराउने बताए । 
  ‘हामी र इलाका प्रहरी कार्यालयको संयुक्त प्रयासबाट अस्वभाविक आवाज निकाली ध्वनि प्रदुषण गर्ने ५ वटा बाइकलाई हामीले नियण्त्रणमा लिएका छौं ।,’ सहायक प्रहरी निरीक्षक पातलीले भने, ‘बाइकवालालाई अहिले लापरवाही जारिवाना काटेर छोड्छौं ।’
 बुलेट जस्तो अलगै साइलेन्सर जोडेर भन्दा फरक तरिकाले एक्जस्टको जाली निकालेको भएका कारण बाइकवालाई एक्जस्टमा झाली राख्ने कुरा सम्झाएर छोडिने ट्राफिक प्रहरीका सहायक निरीक्षक पातली भनाइ रहेको थियो ।