अक्षर साथी | २०८१ चैत्र १३ गते १५:३९ मा प्रकाशित

अक्षर साथी
लम्की/चैत्र १४
करिब २ हप्ता अगाडि, चैत २ शनिबार साँझ साढे ७ बजे कैलालीको लम्कीचुहा–२ मोतिपुरका युवा कमल रावलमाथि सांघातिक हमला भयो । गाडी सहित उभिएको प्रहरीको सामुन्ने नै १२÷१३ जनाको समूहले ज्यान मार्ने उद्देश्यले धारिलो हतियार प्रयोग गर्दै निर्भय रूपमा गरेको आक्रमणलाई निक्कै शंकाको नजरले हेरिएको थियो । 
२ हप्ता पुग्दा पनि कुनै नतिजा निकाल्न असफल भएको प्रहरीलाई आज बिहीवार आशिंक सफल भएको छ । घटनामा संलग्न रहेको आरोप लगोका ७ जना मध्य प्रहरीले १९ वर्षीय अनुप शाहीलाई बिहीबार नियन्त्रणमा लिएको छ । १९ वर्षीय अनुप शाहीलाई प्रहरीले लम्कीचुहा–१, लम्कीबाट प्रहरी आफ्नो नियणत्रणमा लिएको हो । 
घटनामा गम्भीर घाइते भएका रावल हाल उपचाररत छन् ।
 त्यस्तै प्रहरीले बाँकी रहेका ६ जनाको खोजी कार्य जारी रहेको बताउँदै घटनाबारे थप अनुसन्धान भइरहेको प्रहरीको भनाइ छ।
कसरी भएको थियो घटना ?
शनिबार साँझ ६ बजे अनुप शाही लगायतका युवा समूह इलाका प्रहरी कार्यालयमा गएर निवेदन दिएका थिए। प्रहरीका अनुसार निवेदनमा कमल रावलले निवेदक अनुप शाहीलाई बन्धक बनाएको, हतियार देखाउँदै यातना दिएको आरोप लगाइएको थियो। प्रहरी निरीक्षक लोकेन्द्र सिंहका अनुसार निवेदन गम्भीर प्रकृतिको भएकोले प्रहरी तुरुन्तै ‘एक्सनमा’ गएको थियो।
‘बन्धक बनाएको, हतियार देखाउँदै यातना दिएको विषय गम्भीर भएकाले प्रहरी एक्सनमा गयो। त्यसपछि प्रहरीको एक टोली गाडी र चार÷पाँच जना प्रहरी लिएर कमल रावलको घरमा पुगेको थियो,’ प्रहरी निरीक्षक सिंहले भने, ‘प्रहरी कमल रावलका बुवासँग कुरा गरिरहेको अवस्थामा कमल रावल भने घरको पछाडिबाट भाग्ने कोसिस गर्दै थिए। त्यसै अवस्थामा नजानिँदो समूह आयो र धारिलो हतियार प्रयोग गर्दै आक्रमण गर्न थाल्यो। नजिकै रहेको प्रहरीले हुलमुलमा गएर घाइते कमल रावलको उद्धार गर्यो।’
प्रहरीले कमल रावललाई उपचारका लागि शनिबार राति लम्कीचुहा अस्पताल पु¥याएको थियो। त्यहाँ उपचार सम्भव नभएपछि उनलाई सोही राति धनगढीस्थित मायामेट्रो अस्पतालमा लगिएको थियो, जहाँ उनको उपचार भइरहेको छ ।
अहिले उनको अवस्था सामान्य रहेको बुवा शेर बहादुर रावलले जानकारी दिएका छन्।
घटनाको पछिल्लो दिन अर्थात् आज आइतबार घाइते रावलका आफन्त तथा स्थानीयवासीले केहीबेर पूर्व–पश्चिम राजमार्ग अवरुद्ध पारेका थिए। प्रहरीले किटानी जाहेरी ल्याएपछि आफू जुनसुकैलाई पनि पक्राउ गर्न तयार रहेको आश्वासन दिएपछि सहमति भएको थियो ।