अक्षर साथी | २०८१ चैत्र १७ गते ०६:०३ मा प्रकाशित

अक्षर साथी
लम्की/चैत्र १८ 
  हाल पश्चिमी वायुको प्रभावले मौसममा परिवर्तन देखिएको छ । जल तथा मौसम विज्ञान विभाग विभागका अनुसार पहाडी क्षेत्रमा आंशिकदेखि पूर्ण बदली हुने र तराईमा मौसम सफा रहने सम्भावना छ ।  कोशी, बागमती र गण्डकी प्रदेशका पहाडी भेगमा हल्कादेखि मध्यम वर्षाको अनुमान छ भने हिमाली क्षेत्रमा हिमपातको सम्भावना छ । कर्णाली र सुदूरपश्चिममा पनि बादल लाग्ने र छिटपुट पानी पर्न सक्ने देखिएको जल तथा मौसम विज्ञान विभागले जनाएको छ ।
 दिउँसो तराईमा तापक्रम बढेर गर्मी महसुस हुन सक्छ, तर राति पहाडी क्षेत्रमा चिसो बढ्ने अनुमान छ । उच्च हिमाली क्षेत्रमा यात्रा गर्नेहरूलाई सावधानी अपनाउन सुझाइएको छ । मौसमविद्का अनुसार आगामी दिनमा यो प्रणाली कमजोर हुँदै मौसम खुल्ने सम्भावना छ ।