प्रशासक | २०८२ असोज ४ गते १०:२४ मा प्रकाशित

कैलाली/असोज ४

कैलालीको घोडाघोडी नगरपालिका–४ सिमथरीस्थित पूर्व–पश्चिम राजमार्गमा शुक्रबार साँझ साढे ९ बजेको समयमा बस र मोटरसाइकल दुर्घटना हुदा  एक जनाको मृत्यु भएको छ ।

जिल्ला प्रहरी कार्यालय कैलालीका अनुसार पूर्वबाट पश्चिमतर्फ जाँदै गरेको ना ६ ख ८४५४ नम्बरको बस र विपरीत दिशाबाट आउँदै गरेको सुप–प्र ०१–००९ प २७०७ नम्बरको मोटरसाइकल एक आपसमा ठोक्किँदा मोटरसाइकल चालक गम्भीर घाइते भएका थिए ।

डडेल्धुराको अजयमेरु गाउँपालिका–४ भलकुडा घर भएका ३१ वर्षीय दर्शन सिंह भाट दुर्घटनापछि घोडाघोडी अस्पताल सुखडमा उपचारका लागि पु¥याइएका थिए । तर, चिकित्सकले उनलाई मृत घोषणा गरेको प्रहरीले जनाएको छ ।

दुर्घटनामा संलग्न बस र चालक कञ्चनपुरको भीमदत्त नगरपालिका–४ का ३४ वर्षीय अम्मर सिंह बुढा ऐरलाई प्रहरीले नियन्त्रणमा लिएर अनुसन्धान अघि बढाएको छ ।