प्रशासक | २०८२ कार्तिक ३ गते १५:१३ मा प्रकाशित

कैलाली डेस्क
लम्की/कार्तिक २
  कैलालीको बर्दगोरिया गाउँपालिका–४ का हर्क साउँदको मलामी जाने क्रममा भएको ट्याक्टर दुर्घटनामा तीन जनाको मृत्यु भएको छ भने ११ जना घाइते भएका छन् । 
   आइतवार लम्कीचुहा–३ बल्चौरको ट्याक्टर दुर्घटनामा सोही गाउँका हर्क साउँद, शितल साउँद र दानबहादुर साउँदको मृत्यु भएको जिल्ला प्रहरी कार्यालय कैलालीले जनाएको छ । उनीहरू मृतक हर्क साउँदको मलामीमा जान ट्याक्टरमा सवार भएर गइरहेका थिए ।
   बर्दगोरियाबाट चिसापानी आउँदै गरेको ट्याक्टर सुप्रप ०१–००२ त ४९९१ बाटोमा अनियन्त्रित भई पल्टिँदा दुर्घटना भएको प्रहरीले जनाएको छ । दुर्घटनामा परेका १२ जना घाइतेमध्ये तीन जनाको अवस्था गम्भीर रहेको र उनीहरूलाई अहिले लम्की स्थित लालरत्न अस्पताल प्रा.लि.मा भइरहेको छ भने मृतकको शव पोष्टमार्टमका लागि टीकापुर अस्पताल लगिएको अस्पताल प्रशासनले जनाएको छ ।
अन्य घाइतेहरूको अवस्था सामान्य रहेको अस्पताल स्रोतले जनाएको छ । घाइतेहरूलाई स्थानीयवासी र प्रहरीको सहयोगमा उद्धार गरी अस्पताल पु¥याइएको थियो ।
को को कुन् घाइते, अवस्था कस्तो छ ?
वर्ष २१ को तपेन्द्र बोहरा–हात, खुट्टा र घाँटीमा चोट लागेको
वर्ष १५ को रपि साउँद– हात, खुट्टा र घाँटीमा चोट लागेको
वर्ष ३५ को हर्क साउँद–मृत्यु
वर्ष १६ को शितल साउँद–मृत्यु 
वर्ष १६ रोबिन साउँद–टाउँको चोट
वर्ष ५० को भीम बहादुर रोकाय–मुखामा चोट
वर्ष ४५ को मदनलाल–भित्री पेट
वर्ष १६ को रोहित साउँद–टाउँको चोट 
वर्ष ७५ को नौले साउँद–हातर पेटमा चोट 
वर्ष १८ को आयुष साउँद–सामान्य घाइते
वर्ष १६ को आशिष साउँद–मुखमा चोट
वर्ष ६४ को दान बहादुर साउँद–मुखमा चोट 
वर्ष ४५ को सिंगे साउँद–कम्मरमा चोट
वर्ष १४ को रबिन साउँद–हात र मुखमा चोट