प्रशासक | २०८२ पौस ३ गते १३:५७ मा प्रकाशित

कैलाली डेस्क
लम्की, कैलाली
  कैलालीको लम्कीचुहा नगरपालिका विद्यालय स्तरीय नगरप्रमुख तथा राष्ट्रपति खेलकुद प्रतियोगिता–२०८२ कैलालीको लम्कीचुहा नगरपालिका–२ स्थित राष्ट्रिय नमूना माध्यमिक विद्यालयमा व्यवस्थित रूपमा सञ्चालन भइरहेको छ ।
  प्रतियोगितामा नगरभित्रका ४१ सामुदायिक र २३ संस्थागत विद्यालय सहभागी भएका छन् । कक्षा ५, कक्षा ८, कक्षा १० र कक्षा १२ सम्मका विद्यार्थीहरूबीच एथेलेटिक्स, भलिबल, कराते, कबड्डीलगायत विभिन्न खेल विधामा प्रतिस्पर्धा भइरहेको छ ।
  प्रतियोगिताको सचिवालय प्रमुख मिन बहादुर रावलका अनुसार बाह्र सयभन्दा बढी विद्यार्थीहरूको सहभागिता रहेको यस प्रतियोगितामा प्राथमिक तहका सबै खेलहरू सम्पन्न भइसकेका छन् । बाँकी खेलहरू सञ्चालन भइरहेका छन् र प्रतियोगिता आइतबार सम्पन्न हुने कार्यक्रम रहेको छ ।
  मंसिर २९ गतेबाट सुरु भएको प्रतियोगिताको उद्घाटन लम्कीचुहा नगर प्रमुख सुशीला शाहीले गरेकी थिइन् । विद्यार्थीहरूमा खेलकुदमार्फत अनुशासन, प्रतिस्पर्धात्मक भावना र शारीरिक तथा मानसिक विकास गर्ने उद्देश्यले प्रतियोगिता आयोजना गरिएको आयोजकको भनाइ छ ।
  स्थानीय तहको सक्रियतामा सञ्चालन भइरहेको यस प्रतियोगिताले विद्यालय तहमा खेलकुदको प्रवद्र्धन गर्दै प्रतिभावान खेलाडी उत्पादनमा महत्वपूर्ण योगदान पु¥याउने अपेक्षा गरिएको छ ।