अक्षर साथी | २०८२ आषाढ़ ३ गते १३:०२ मा प्रकाशित

अक्षर साथी
लम्की/असार ३
सुदूरपश्चिम प्रदेश सरकारले राजकाँडा–हुँडेझाडीमा प्याराग्लाइडिङ सञ्चालनका लागि बजेट विनियोजन गरेको छ । प्रदेश पर्यटन विकास कार्यक्रम अन्तर्गत कैलाली जिल्लामा साहसिक पर्यटन प्रवद्र्धनका लागि एक राजकाँडा–हुँडेझाडी क्षेत्रमा प्याराग्लाइडिङ सञ्चालन गरिने भएको छ । यस योजनाका लागि १० लाख रुपैयाँ बजेट विनियोजन गरिएको छ ।
  यस योजना मार्फत सुदूरपश्चिमको पर्यटकीय सम्भावनालाई उजागर गर्दै आन्तरिक तथा बाह्य पर्यटकलाई आकर्षण गर्ने लक्ष्य लिइएको छ । राजकाँडा–हुँडेझाडी क्षेत्रमा प्याराग्लाइडिङ सञ्चालन भएसँगै साहसिक खेलप्रेमी पर्यटकका लागि नयाँ गन्तव्यको विकास हुनेछ, जसले स्थानीय रोजगारी, पूर्वाधार तथा सेवा व्यवसायमा समेत टेवा पु¥याउने अपेक्षा गरिएको छ ।