प्रशासक | २०८२ मंसिर १७ गते ०८:५१ मा प्रकाशित

अक्षर साथी
लम्की, मंसिर १६
  यातायात व्यवसायीहरूको छाता संगठनको नेपाल यातायात व्यवसायी राष्ट्रिय महासंघ कैलालीको अध्यक्षमा गणेशराज ओली चयन भएका छन् । सोमवार धनगढीमा अध्यक्षमा गणेश राज ओली सहित ७ जना आगामी तीन वर्षे कार्यकालका चयन भएका हुन् । 
  यातायात व्यवसायी हकहित र अधिकारका लागि काम गर्ने साझा संगठन नेपाल नेपाल यातायात व्यवसायी राष्ट्रिय महासंघ कैलालीको सचविमा तिर्थ जोशी र कोषाध्यक्षमा भीम कुवंर चयन भएका छन् । त्यस्तै विभिन्न यातायात समितिबाट ४ जना त्यस्तै सदस्यमा गिरी श्रेष्ठ, सुशील पाण्डे, अच्युत पाण्डे र दान सिंह रावल चयन भएका छन् । 
के हो यातायात राष्ट्रिय महासंघ ? 
यातायात राष्ट्रिय महासंघ भनेको नेपालभर छरिएका विभिन्न यातायात व्यवसायी समिति, संघ–सङ्गठन र समिताहरूलाई एकीकृत गरी प्रतिनिधित्व गर्ने छाता–संस्था हो । सरल भाषामा देशभरका यातायात व्यवसायीहरूको हित, हक–अधिकार र नीतिगत प्रश्नमा सरकारसँग संवाद गर्ने केन्द्रीय संस्था नै यो महासंघ हो । 
निजी क्षेत्रका व्यवसायीको झण्डै साढे ५ खर्बको लगानी यातायातको क्षेत्रमा छ । महासंघ आवद्ध विभिन्न प्रकृतिका ४ लाख सार्वजनिक सवारीसाधन सञ्चालनमा रहेको छन् भने यातायात क्षेत्रमा करिव २० लाखले रोजगारी पाएका छन् ।
को हुन् गणेशराज ओली ? 
  कैलालीको लम्कीचुहा नगरपालिका–२, मोतिपुरका गणेशराज ओली हाल सुदूरपश्चिमकै ठूलो यातायात प्रा.लि. मध्यको एक रिभर साईड यातायात प्रा.लि.का अध्यक्ष हुन् । एक सामान्य कर्मचारीबाट सुरुवात गरेका ओलीले यातायात क्षेत्रमा आफ्नो तीन दशक बिताइसकेका छन् । लम्कीचुहा उद्योग वाणिज्य संघका सचिव समेत रहेका ओली शिक्षा क्षेत्रमा पनि जोडिएका छन् । बालविद्या मन्दिर विद्यालयका अध्यक्ष हुन् ।