प्रशासक | २०८२ श्रावण १२ गते ११:१७ मा प्रकाशित

कमल प्याकुरेल
लम्की/साउन ११
  लम्की बहुमुखी क्याम्पसमा विद्यार्थीद्वारा लगाइएको ताला खुलाइएको छ । विद्यार्थीलाई परीक्षा केन्द्रसम्म आउन जान सहज होस् भन्ने उद्देश्यले निःशुल्क बस सेवा उपलब्ध गराउन माग गर्दै विद्यार्थीले शनिवार क्याम्पसमा ताला लगाएका थिए । आइतवार विहान क्याम्पस प्रशासन र विद्यार्थीबीच परीक्षमा सहभागी हुने विद्यार्थीका लागि बस उपलब्ध गराउने सहमती भएपनि क्याम्पसमा लगाइएको ताला खोलेको स्ववियु अध्यक्ष तपेन्द्र प्याकुरले जानकारी दिए । 
  स्ववियु अध्यक्ष तपेन्द्र प्याकुरेलले सम्बन्धित निकायसँग पटक–पटक लिखित अनुरोध गरिए पनि बस सेवा उपलब्ध गराउने माग अस्वीकार भएपछि आफूहरू बाध्य भएर तालाबन्दी गर्न पुगेका जानकारी दिदै अब क्याम्पस प्रशासनले बस सेवा उपलब्ध गराएपछि विद्यार्थीलाई परीक्षामा सहभागी हुन सहज हुने अपेक्षा दिएको बताए । 
  स्नातक तह प्रथम वर्षको परीक्षा यही साउन ११ र १२ गतेदेखि सुरु हुँदै छ । लम्की बहुमुखी क्यापसको परीक्षा केन्द्र विरेन्द्र विद्या मन्दिर, टीकापुर र घोडाघोडी बहुमुखी क्याम्पस सुखड रहेका छन् । टीकापुरका लागि बिहाना ६ः २० बजे र सुखडका लागि बिहाना ११ बजे बसको तालिका रहेको छ ।