समाचार
चिसापानी बजार सरसफाई
प्रशासक | २०८२ श्रावण २९ गते १७:०० मा प्रकाशित
अक्षर साथी
लम्की/ साउन, २८
कैलालीको चिसापानी बजारमा सरसफाई गरिएको छ । बुधवार इलाका प्रहरी कार्यालय, चिसापानीको आयोजनामा बजार क्षेत्र र कर्णाली पुलमा सरसफाई गरिएको हो ।
समुदाय प्रहरी साझेदारी कार्यक्रम अन्तरगत आयोजना गरिएको सरसफाई कार्यक्रमको अध्यक्षता लम्कीचुहा नगरपालिका वडा नं. ३ का वडा अध्यक्ष लव बहादुर शाहीले गरेका थिए ।
नेपाल राष्ट्रिय कर्णाली माध्यामिक विद्यालय, चिसापानीका प्रधानाध्यापक जंग बहादुर तारामी, शिक्षक, विद्यालयका एनसीसी तालीमरत विद्यार्थी, नेपाली सेनाका प्रशिक्षक र स्थानीय सहभागितामा बजार क्षेत्रको सरसफाई गरिएको हो ।
कार्यक्रममा बोल्दै वडा अध्यक्ष लव बहादुर शाहीले भने, ‘नेपाल प्रहरीले सामुदायिक उत्तरदायित्वको महत्वपूर्ण काम गरेको छ । समुदाय प्रहरी साझेदारी कार्यक्रम अन्तरगतको आज सुदूरपश्चिम प्रदेशको प्रवेशद्वारको सरसरफाई कार्यक्रम आयोजनाको लागि धन्यवाद दिन चाहान्छु ।’
त्यस्तै अध्यक्ष शाही यस्ता सामाजिका काम गर्नु हामी सबैको दायित्व भएको बताएका थिए ।