प्रशासक | २०८२ श्रावण ३० गते ०९:४५ मा प्रकाशित

अक्षर साथी
लम्की/साउन, २९
 कैलालीको लम्कीचुहा नगरपालिका–३ मा रहेको राष्ट्रिय माध्यामिक विद्यालय, बल्चौर, व्यवस्थितनगरका प्रधानाध्यापक बद्री जैसी नतिजालाई थप सुधार्ने प्रयासमा रहेको बताएका छन् । 
 कैलाली पोष्टसँगै कुरा गर्दै हालको नतिजालाई थप सुधार गर्दै शतप्रतिशत नजिता ल्याउने प्रयासमा रहेको बताएका हुन् । 
  उनले भने, ‘कक्षा १२ मा हाम्रा ७५ प्रतिशत विद्यार्थी उतिर्ण भएका छन् । नतिजा राम्रो आएको छ । सम्भवत लम्कीचुहा नगरपालिकाकै उत्कृष्ट अंक हो । हाम्रो लक्ष्य शतप्रतिशत बनाउने छ । शिक्षक, विद्यार्थी, अभिभावकबीच गर्दै आएको निष्कर्षलाई अनुसरण गर्दै नतिजालाई शतप्रतिशत बनाउने लक्ष्य रहेको छ ।’
  ७५ प्रतिशत विद्यार्थी उतिर्णमा हुनुमा विद्यार्थी र शिक्षकको मेहनत र अभिभावकको सक्रियताको भूमिका रहेको बताउँदै प्रधानाध्यापक जैसीले विद्यालयले विद्यार्थीको सिकाइका लागि व्यवस्था गरिदिएको अतिरिक्त कक्षाले सहयोग गरेको बताए ।