प्रशासक | २०८२ श्रावण ३२ गते १४:११ मा प्रकाशित

अक्षर साथी
लम्की/साउन, ३१ 
   कैलालीको लम्की स्थित लम्की लेडि जेसिजको सप्ताहव्यापी कार्यक्रम सुरु भएको छ । शनिवार लम्की बजारमा स्कुटी सुस्त गतिमा मोटरसाईकल तथा स्कुटर चलाउने प्रतियोगिताको आयोजना गर्दै लेडि जेसिजको सप्ताहव्यापी कार्यक्रम सुरु भएको हो । 
  लम्की लेडि जेसिजका अध्यक्ष जेसि बिरिन्दा सुवेदी धमाला, कोषाध्यक्ष जेसि पार्वती कार्की, महासचिव जेसि ससिरा शाही, मुल संयोजक जेसि अञ्जना शाही तथा स्कुटी सुस्त गतिमा मोटरसाईकल तथा स्कुटर चलाउने प्रतियोगिताका कार्यक्रम जेसी संयोजक कल्पना तिमिल्सेना सहित जेसिजका पदाधिकारी, सदस्यहरूको उपस्थितीमा उद्घाटन गरिएको हो । 
 लम्की लेडि जेसिजले महिलाहरूको क्षमता विकास, नेतृत्व विकास गर्ने काम गरेको प्रति धन्यवाद दिदैै कार्यक्रमकी प्रमुख अतिथि तथा लम्कीचुहा नगरपालिका वडा नं. ५ की वडा अध्यक्ष माया विष्टले आगामी दिन यस्ता कार्यक्रमले निरन्तरता दिनु पर्नेमा जोड दिएकी छन् । 
 त्यसैगरि लम्की लेडि जेसिजका अध्यक्ष बिरिन्दा सुवेदी धमालाले सप्ताहाव्यापी कार्यक्रमको तालीका प्रस्तुत गर्दै अध्यक्ष एक्लै केही गर्न नसकिने बताउँदै सबैको सहयोग आवश्यक रहेको बताइन् ।
 सुस्त गतिमा मोटरसाईकल तथा स्कुटर चलाउने प्रतियोगिताको प्रथम स्थान हासिल गर्न पार्वती जोशी सफल भएकी थिइन्, दृतीय स्थान सुरेशा थापा र तेस्रो स्थान हासिल गर्न रेखा रावल सफल बनेकी थिइन् ।
   भदौ ८ गतेसम्म लम्की लेडि जेसिजका विभिन्न कार्यक्रम सञ्चालन हुने छन् ।