अक्षर साथी | २०८२ भाद्र १ गते १२:२८ मा प्रकाशित

अक्षर साथी
लम्की/भदौ, १
  कैलालीको लम्की स्थित लम्की लेडी जेसीजले आइतवार मानव सेवा आश्रम, लम्कीमा फलफुल वितण गरेको छ । शनिवारदेखि सुरु भएको विभिन्न सामाजिक काम गर्ने लेडी जेसीजको सप्ताहव्यापी कार्यक्रमको तालीका अनुसार आइतवार आश्रम फलफुल वितरण गरिएको अध्यक्ष जेसी बिरिन्दा सुवेदी धमालाले जानकारी दिइन । 
 फलफुल वितरण कार्यक्रमकी संयोजक जेसी रुपा स्वार थापाका अनुसार आश्रममा रहेको करिब २० जनालाई फलफुल वितरण गरिएको हो । मानव सेवा नै सर्वोत्कृष्ट धर्म रहेको बताउँदै कार्यक्रम संयोजक रुपा स्वार थापाले आगामी दिन पनि लम्की लेडी जेसीजले यस्ता सामाजिक कार्यलाई निरन्तरता दिइने बताइन । 
 शनिवार सुस्त गतीमा मोटर साइकल तथा स्कृटर चलाउने प्रतियोगिताबाट सुरु भएको लम्की लडी जेसीजको सप्ताहव्यापी कार्यक्रम तालीका अनुसार मंगलवार लम्की बहुमुखी क्याम्पसको प्राङ्गणमा बृक्षारोपण गर्ने कार्यक्रम  रहेको छ । 
लम्की लेडी जेसिजका यस्तै कार्यक्रमहरू भदौ ८ गतेसम्म सञ्चालन हुने छन् ।