अक्षर साथी | २०८२ भाद्र ३ गते १०:०७ मा प्रकाशित

अक्षर साथी
लम्की, भदौ ३
  कैलालीको लम्की साना शहरी खानेपानी उपभोक्ता तथा सरसफाइ संस्थाले अत्यावश्यक कार्यलाई सहज बनाउन जेसीबी (ब्याकलोडर) मेशिन खरिद गरेको छ ।
  संस्थाले खानेपानी पाइपलाइन बिछ्याउने, फुटेको पाइप मर्मत गर्ने, सडक खन्ने तथा अन्य संरचनागत कामलाई छिटो र प्रभावकारी बनाउनका लागि उक्त मेसिन ल्याएको हो । यसअघि मर्मत–सम्भार कार्यका लागि निजी मेसिन भाडामा लिनुपर्दा समय र खर्च दुवै बढ्ने गरेकोमा अब संस्थाकै स्वामित्वमा मेसिन आएसँगै काम छिटो हुने अपेक्षा गरिएको अध्यक्ष तेज बहादुर चलाउनेले बताए । 
  त्यस्तै कार्यालय प्रमुख जगनाथ ढकालका अनुसार, खानेपानीको नियमित आपूर्ति, चुहावट नियन्त्रण र विस्तारका लागि जेसीबी महत्वपूर्ण साधनका रूपमा प्रयोग गर्दै आएका थियौँ । निजी मेसिनले काम गर्दा खर्च धेरै हुने गरेको थियो । लम्कीचुहा नगरपालिकाको २५ लाख रुपैयाँ र सँस्थाको लम्की खानेपानी सँस्थाको ३२ लाख ९० हजार रुपैयाँ गरी जम्मा ५७ लाख ९० हजारमा जेसिबी मेशिन खरिद गरिएको हो । 
  संस्थाकै स्वामित्वमा मेसिन आएसँगै काम छिटो हुने अपेक्षा गरिएको छ । जसबाट लम्की साना शहरी खानेपानी उपभोक्ता तथा सरसफाइ सँस्थाका ५ हजार उपभोक्तालाई लाभ मिल्ने छ ।