प्रशासक | २०८२ भाद्र ५ गते १२:२६ मा प्रकाशित

टीकापुरका युवा उद्यमी प्रकाश तिमिल्सिनाले टिकापुर उद्योगवाणिज्य सङ्घको आगामी नेतृत्वको लागि महासचिव पदमा आफ्नो उम्मेदवारी घोषणा गरेका छन्। 
   आगामी भाद्र १५ गते हुने टिकापुर उद्योग वाणिज्य सङ्घको साधारण सभापछि आगामी नेतृत्वका लागि हुने निर्वाचनमा तिमिल्सिनाले उम्मेदवारी घोषणा गरेका हुन् । 
   तिमिल्सिना यस भन्दा अगाडि टीकापुर उद्योग वाणिज्य सङ्घको सदस्य पदमा कार्यरत थिए ।
उनि टीकापुरमा रहेको महालक्ष्मी गार्मेन्ट उद्योग, महालक्ष्मी फुड प्रोडक्ट लगायतका व्यवसायको सञ्चालक पनि हुन  ।
विशेषगरी युवा उद्यमशीलताका क्षेत्रमा टीकापुरमा चर्चित रहेका तिमिल्सेना आफ्नो कलिलो उमेर १८ वर्षदेखि नै उद्यमशीलतातर्फ लागेका थिए। 
घरेलु उद्योगबाट रोजगारी प्रवर्धन गर्न सकिन्छ भन्ने विश्वासका साथ आफू व्यवसायमा लागेको र अझै धेरै गर्न सकिने आफूसँग सपना रहेको तिमिल्सेनाले  बताए ।
  मलाई घरेलु साना उद्योग सञ्चालन गर्नुभन्दा घरजग्गाको कारोबारमा बढी फाइदा हुन्थ्यो होला, तर स्वदेशमा नै रोजगारी सिर्जना गर्नुपर्छ र उत्पादनले रोजगारी सिर्जना गर्दछ भन्ने मान्यताले म सानै भएपनि उद्योग सञ्चालन गर्नतिर लागे   तिमिल्सिनाले भने ।
अहिले महालक्ष्मी गार्मेन्ट र फुड प्रोडक्टमा  पूर्णकालीन र आंशिक गरी करिब ५० जनाभन्दा बढीले नियमित रोजगारी पाइरहेको उनको भनाइ छ। 
   आफू जीवनको किशोरावस्था देखि नै टीकापुरमा व्यवसाय गरेर व्यवसायीका समस्याका बारेमा प्रत्यक्ष रुपमा जानकार भएकोले र कैयौँ समस्या आफैंले भोगेको हुनाले उद्योग वाणिज्य सङ्घको महासचिवमा आफू निर्वाचित भएमा व्यापारीहरूको हकहितका साथै व्यापार र उत्पादनका क्षेत्रमा आफूसँग भएको योग्यता र अनुभवले समग्र टीकापुरको व्यापार प्रवर्धनका निम्ति योगदान गर्ने चाहना हुँदा महासचिव पदमा आफूले दाबी प्रस्तुत गरेको तिमिल्सेना बताउछन  ।