कैलाली पोष्ट | २०७६ असोज १० गते १७:२८ मा प्रकाशित

लम्की/असोज १०
लम्कीचुहा नगरपालिकाको वडा नम्बर १ भुरुवामा रहेको बालकल्याण माध्यमिक विद्यालयमा विजयादशमी, दिपावली तथा छठ पर्वको अवसरमा आज शुभकामना आदानप्रदान कार्यक्रमको आयोजना गरिएको छ ।
विद्यालय व्यवस्थापन समितिका सदस्य पार्बती देबकोटाको सभापतित्वमा भएको कार्यक्रममा विद्यालयका संस्थापक अध्यक्ष चन्द्रप्रसाद जैशी, विद्यालय व्यवस्थापन समितिका सदस्य लालमनी देबकोटा, विद्यालयका प्रधानाध्यापक रुपलाल जैशी, सहायक प्रधानाध्यापक रंगप्रसाद तिमिल्सैना, गजलकार दिर्घराज गिरी, पुर्व विद्यार्थी प्रकाश खनाल, विद्यार्थी हरु आयुश्मा शाही, कल्पना तिमिल्सैना, उदय सुनार लगायतकाले शुभकामना मन्तव्य राख्नु भएको थियो ।
कार्यक्रममा अतिरिक्त क्रियाकलापमा विभिन्न स्थान प्राप्त गर्न सफल विद्यार्थीहरुलाई पुरस्कार वितरण गर्नुका साथै विद्यार्थीहरुले गीत, नृत्य , गजल, कविता समेत प्रस्तुत गरेका थिए ।
विद्यालयका शिक्षिका नान्कला खनालले स्वागत मन्तव्य राख्नु भएको कार्यक्रमको संचालन शिक्षक खडक बि. क. ले गर्नु भएको थियो ।