कैलाली पोष्ट | २०७६ मंसिर २४ गते १७:५० मा प्रकाशित

कैलालीमा राष्ट्र ब्यापी खुल्ला ब्याटमिन्टन प्रतियोगिता २०७६ हुने भएको छ । 
जिल्लाको लम्कीचुहा नगरपालिका वडा नं।१ लम्कीमा नेपाली काँग्रेस क्षेत्र नं।२ लम्कीचुहा नगर कार्यसमितीको आयोजनामा आगमी पौष ३ गते देखि राष्ट्र ब्यापी खुल्ला ब्याटमिन्टन प्रतियोगिता २०७६ हुने भएको हो । सुदुुरपश्चिमको प्रदेशद्धार लम्कीचुहा नगरपालिकालाई देशमै चिनाउनका लागी शहित लाल बहादुर बम र लोकराज ढकालको स्मृतिमा ब्याटमिन्टन प्रतियोगिताको आयोजना गर्न लागेको मंगलवार आयोजीत पत्रकार सम्मेलन मार्फत आयोजकले जानकारी दिएको छ । प्रतियोगितामा प्रथम हुने टिमले नगर रु ५० हजार मेडल,ट्रफि र प्रमाणपत्र प्राप्त गर्दा द्धितिय हुने टिमले नगर रु २५ हजार मेडल,ट्रफि र प्रमाणपत्र प्राप्त गर्ने छ । यस्तै प्रतियोगिताको तृतीय हुने टिमले नगद रु १० हजार मेडल,ट्रफि र प्रमाणपत्र प्राप्त गर्ने प्रतियोगिता संयोजक लब बहादुर शाहीले पत्रकार सम्मेलन मार्फत जानकारी दिनु भएको छ। प्रतियोगितामा देश भरका ४० वटा टिमहरुको सहभागीता रहने र प्रतियोगिता सञ्चालनका लागी करिब २ लाख रुपैया सम्म खर्च हुने आयोजकले अनुमान गरेको छ। प्रतियोगिताको तयारी बुधवारबाट तिब्र गतिका साथ अघि बढ्ने संयोजक शाहीले जानकारी दिनु भएको छ।