एजेन्सी | २०७५ फाल्गुन २५ गते १०:५७ मा प्रकाशित

नवीन देवकोटा फागुन २४ लम्की । 
कैलालीको लम्कीचुहा नगरपालिका १ लम्कीमा रहेको मोडल लाइफ भिजन एकेडेमीको १० औँ वार्षिक उत्सव एवंम् अभिभावक दिवस शुक्रबार सम्पन्न भएको छ । 
विद्यालय सञ्चालक समितिकमा अध्यक्ष डिल्लीराम बोहोराको सभाअध्यक्षतामा भएको कार्यक्रमका प्रमुख अतिथि सुदुर पश्चिम प्रदेशका प्रदेश सांसद रतन थापा रहनु भएको थियो । भने कार्यक्रममा लम्कीचुहा नररपालिका वडा नम्बर १ का वडा अध्यक्ष जनक बम, लम्कीचुहा नगरपालिकाका शिक्षा अधिकृत नारायण प्रसाद खनाल र प्याब्सन कैलाली जिल्ला अध्यक्ष डिल्लीराम रेग्मी विशिष्ट अतिथिमा रहनु भएको थियो । 
कार्यक्रममा बोल्दै सुदुर पश्चिम प्रदेश सभा सांसद रतन थापाले देशको शिक्षा निति कमजोर रहेको भन्दै सुधारको क्रममा रहेको बताउनु भयो । यस्तै कार्यक्रममा बौल्दै लम्कीचुहा नररपालिका वडा नम्बर १ का वडा अध्यक्ष जनक बमले निजी विद्यालयले अब प्राविधिक शिक्षालाई जोड दिनुपर्ने बताउनु भयो । यस्तै कार्यक्रममा बोल्दै लम्कीचुहा नगरपालिकाका शिक्षा अधिकृत नारायण प्रसाद खनालले शिक्षक र अभिभावक दुवै खटिनुपर्ने बताउनु भयो । यस्तै कार्यक्रममा बोल्दै प्याब्सन कैलाली जिल्ला अध्यक्ष डिल्लीराम रेग्मीले निजी विद्यालयको उन्नती र प्रगतिका लागि प्याब्सन सधैँ लागिरहने बताउनु भयो । 
विद्यालयका भाइस–प्रिन्सिपल शिवराज खनालको स्वागत मन्तव्यसँगै सुरू भएको कार्यक्रममा प्याब्सन कैलाली जिल्ला उपाध्यक्ष दयाराम सञ्ज्याल, प्याब्सन कैलाली जिल्ला कोषाध्यक्ष अमर ओली, लम्की जेसिस बर्ष २०१९ का अध्यक्ष मोहन ढुङ्गाना, प्याब्सन लम्कीचुहा नगरपालिकाका अध्यक्ष गोविन्द शाही, समाजसेवी पूर्णप्रसाद आचार्य लगायतकाले शुभकामना मन्तव्य राख्नु भएको थियो । कार्यक्रममा राष्ट्रिय लोकदोहोरी गायक मनिष खड्काको बेजोड प्रस्तुति रहेको थियो भने विद्यार्थीले विभिन्न नृत्य तथा साँस्कमृतिक झाँकी समेत प्रस्तुत गरेका थिए । कार्यक्रममा विभिन्न अतिरिक्त खेलकुद प्रतियोगिताका प्रथम, द्धितिय र तृतिय हुनेलाई पुरस्कार समेतच वितरण गरिएको थियो भने १५ जना अभिभावकलाई सम्मान समेत गरिएको थियो । कार्यक्रमको सञ्चालन शिक्षक नवीन देवकोटाले गर्नुभएको थियो ।